ભુણાવા ભરૂડી પાસે આવેલ પેન્ટાગોન કારખાનામાં શ્રમિક યુવાન રસોઈયા નું કામ કરતો હતો જેના પર ચોરીની શંકાએ બે નગર સેવકો સહિત છ જણા તૂટી પડ્યા હતા ગોંડલ ગોંડલ રાજકોટ નેશનલ હાઈવે ભરૂડી ભુણાવા પાસે હત્યા કરાયેલ હાલત માં અજાણ્યા યુવાનની લાશ મળી આવ્યાની ગણતરીની કલાકોમાં જ પોલીસે મર્ડરનું ડિટેકશન કરી વધુ કાર્યવાહી હાથ ધરી હતી. આ હત્યાના બનાવમાં ગોંડલ નગરપાલિકાના બે સદસ્યોની સંડોવણી હોય ચર્ચાનો વિષય બની જવા પામ્યો છે. પ્રાપ્ત વિગતો મુજબ ગુરુવાર સાંજે પાંચ વાગ્યે ભરૂડી ભુણાવા રોડ પર આશરે 35 વર્ષની ઉંમરના યુવાનની હત્યા કરાયેલી હાલતમાં લાશ મળી આવતાં તાલુકા પોલીસના અજયસિંહ જાડેજા સહિતનો પોલીસ કાફલો ઘટનાસ્થળે દોડી ગયો હતો અને બનાવના પગલે જિલ્લા પોલીસ તંત્ર પણ કામે લાગ્યું હતું હત્યાની ગણતરીની કલાકોમાં જ પોલીસતંત્ર દ્વારા ભેદ ઉકેલી નાખી છ શખ્સો વિરુદ્ધ કાર્યવાહી હાથ ધરવામાં આવી હતી. યુવાનની હત્યા અંગે પોલીસ સૂત્રોએ જણાવ્યું હતું કે ભરૂડી ભુણાવા પાસે પેન્ટાગોન નામનું કારખાનું આવેલું છે જેની ઓફિસમાં ગતરાત્રીના કારખાનામાં જ રસોઇનું કામ કરતા શંકરરામ તરતાલાલ ચૌહાણ (ઉંમર વર્ષ ૩૫) (મૂળ રહેવાસી નંદસમા તાલુકો ગોગુંદા રાજસ્થાન) દ્વારા કારખાનાની ઓફિસમાં આટા ફેરા કરાયા હોય જે સીસીટીવી કેમેરામાં આવી જતા ગોંડલ નગરપાલિકા વીજળી શાખા ના ચેરમેન રવિ પ્રવીણભાઈ કાલરીયા તેમજ વિરોધ પક્ષના સદસ્ય શૈલેષ રોકડ સિક્યોરિટી કોન્ટ્રાક્ટર), અક્ષય ઉર્ફે ભાણો રમણીકભાઈ ચોવટીયા, પેન્ટાગોન કારખાના ભાગીદાર વિનોદ ગોપાલભાઈ ડઢાણીયા, અશોક રૈયાણી અને આશિષ ટીલવાએ એકઠા થઇ કારખાનાના ફળિયામાં શંકરરામને ઢોર માર મારતા તેનું મોત નીપજ્યું હતું અને ઉપરોક્ત શખ્સોએ કારખાનાના સીસીટીવી કેમેરાના ફૂટેજને પણ ડીલીટ કરી નાખી પુરાવા નાશ કરવાની કોશીષ કરી હતી. પેન્ટાગોન કારખાનામાં માત્ર પંદર દિવસ પહેલા જ શંકરરામ રસોઇ કામ કરવા માટે આવ્યો હતો જેની સાથે નથુરામ અને શંભુ પણ રસોઇ કામ કરતા હતા પોલીસે લક્ષ્મણસિંહ મોહનસિંહ ચૌહાણની ફરિયાદ પરથી આરોપીઓ વિરુદ્ધ ipc કલમ 143 147 148 302 324 તેમજ 201 મુજબ ગુન્હો નોંધી વધુ તપાસ હાથ ધરી હતી. લક્ષ્મણસિંહ ચૌહાણે પોલીસને ફરિયાદ માં જણાવ્યું હતું કે ઉપરોક્ત શખ્સો શંકરરામ ને માર મારી રહ્યા હતા ત્યારે મને પણ કારખાનામાં ચાલ્યા જવા ધમકી આપી હતી અન્યથા તારી પણ આવી જ હાલત થશે તેવું કહ્યું હતું બાદમાં શંકરરામના કૌટુંબિક ભાઈઓ ભવરદાસ અને ખીમદાસને મેં મોબાઈલથી જાણ કરતા તેઓ સ્થળ પર દોડી આવ્યા હતા, શંકરરામ ઢોર મારના કારણે ઢળી પડયો હોય ત્યારે ઉપરોક્ત નરાધમોનું હજુ પેટ ભરાયું ન હોય ચા-નાસ્તાનો ઓર્ડર આપી ચાની ચૂસકીઓ મારી હતી. માત્ર ચોરીની શંકાએ શંકરરામ પર ઉપરોક્ત છ શખ્સો પાઈપ અને ધોકા વડે તૂટી પડયા હતા શંકર રામને પીઠ ડાબો હાથ બેઠક તેમજ પગની પિંડી ના ભાગે ગંભીર ઈજાઓ થઈ હતી અને આંતરિક ઇજાઓ પણ થઇ હતી શંકરરામ ની લાશ નેશનલ હાઈવે પર થી મળી આવી હોય પોલીસે તેને ફોરેન્સિક લેબમાં મોકલી આપી છે.

લીંબડીની વિવેકાનંદ સોસાયટીમાં બનેલા સીસી રોડના કામમાં મોટા પાયે ભ્રષ્ટાચાર થયો હોવાનો બૂમરાણો ઉઠી રહ્યા છે. સોસાયટીના રહીશોએ સીસી રોડમાં થયેલા ભ્રષ્ટાચાર અંગે તપાસ કરાવવા મામલતદારને આવેદનપત્ર આપ્યું હતું. લીંબડી વિવેકાનંદ સોસાયટીમાં થોડા સમય પહેલા સીસી રોડ બનાવવામાં આવ્યો હતો. સીસી રોડના કામમાં કોન્ટ્રાક્ટરે હલકી કક્ષાનું મટીરીયલ વાપરયું હોવાની રહીશોએ નગરપાલિકામાં ફરિયાદ કરી હતી. પરંતુ પાલિકા તંત્ર દ્વારા કોન્ટ્રાક્ટર ઉપર કોઈ કાર્યવાહી હાથ ધરવામાં આવી નહોતી. ત્યારે વિવેકાનંદ સોસાયટીના લોકો મામલતદાર કચેરીએ ધસી આવ્યા હતા. મામલતદારને વિવેકાનંદ સોસાયટીમાં બનેલા સીસી રોડના કામમાં થયેલા ભ્રષ્ટાચારની તપાસ કરવા આવેદનપત્ર આપ્યું હતું. સોસાયટીમાં બનેલા સીસી રોડના કામમાં પાણી નિકાલની કોઈ વ્યવસ્થા કરવામાં આવી નથી. રોડનું લેવલ યોગ્ય રીતે થયું નહીં હોવાથી લોકોના ઘરોમાં પાણી ઘુસી રહ્યું હોવાની ફરિયાદ કરી હતી. (રિપોર્ટર : દિપકસિંહ વાઘેલા) લીંબડી

ભાવનગર રેન્જના નાયબ પોલીસ મહાનિરીક્ષકશ્રીનાઓએ ભાવનગર રેન્જના તમામ જીલ્લાઓમાં ગેરકાયદેસર ફાયર આર્મ્સ રાખતા ઈસમોને ઝડપી પાડવા ખાસ ઝુંબેશ હાથ ધરેલ હોય અને ભાવનગર રેન્જના પોલીસ અધિકારીઓને ખાસ સુચના આપેલ હોય જેના ભાગરૂપે મહુવા પોલીસ સ્ટેશનના ઈન્ચાર્જ પો.ઈન્સ. શ્રી એસ.એન.બારોટ સા.ની સુચના મુજબ ડી-સ્ટાફ પો.સબ ઈન્સ. શ્રી જી.એ.બીલખીયા સા. તથા અલ્તાફભાઈ ગાહા તથા રાજુભાઈ વાઘેલા એ રીતે પેટ્રોલિંગમા હતા દરમ્યાન મળેલ બાતમી આધારે જતીનભાઈ સુરેશભાઈ ગુજરીયા,જાતે.કોળી,રહે.મહુવાવાળાને એક રીવોલ્વર કી.રૂ.૫૦,૦૦૦/- તથા જીવતા કાર્ટીસ નંગ-૦૬,કી.રૂ.૬૦૦ મળી કુલ કિ.રૂ.૫૦,૬૦૦/-ના મુદ્દામાલ સાથે ઝડપી પાડી આરોપી વિરૂધ્ધમા મહુવા પોલીસ સ્ટેશનમા આર્મ્સ એક્ટ તળે પી.એસ.આઇ .શ્રી જી.એ.બીલખીયા એ ગુન્હો રજી. કરાવેલ છે. આ કામે પકડાયેલ આરોપી ની પુછપરછ દરમ્યાન સદરહુ રીવોલ્વર બાબુભાઇ રુખડભાઇ ભાદરકા રહે.કોદીયા વાળાઓ ની હોવાનુ જણાવેલ છે આ કામે વિશેષ તપાસ ચાલુ છે. આ કામગીરીમા મહુવા પો.સ્ટે.ના ડી-સ્ટાફ પો.સબ.ઈન્સ. શ્રી જી.એ.બીલખીયા સા. તથા હેડ કોન્સ. વિ.એન.રાણા તથા પો.કોન્સ.અલ્તાગભાઈ ગાહા તથા રાજુભાઈ વાઘેલા તથા પ્રકાશભાઈ કાચરીયા તથા વિરૂભાઈ પરમાર રોકાયેલ હતા આ કામની આગળની તપાસ પો.સબ ઈન્સ. શ્રી જી.એ.બીલખીયા સા.નાઓ ચલાવી રહ્યા છે.

અધિક પોલીસ મહાનિદેશક સી.આઇ.ડી.ક્રાઈમ અને રેલ્વેઝ ગુ.રા. ગાંઘીનગર નાઓએ પેરોલ-ફર્લો ફરારી આરોપીઓની સંખ્યામાં સતત વઘારો થતો રહેતો હોય, જેથી આવા પેરોલ-ફર્લો ફરારી આરોપી/કેદીઓ પકડવા અંગે તા.૦૫/૦૨/૨૦૨૦ થી તા.૧૪/૦૨/૨૦૨૦* સુધીની ખાસ ડ્રાઇવનું આયોજન કરેલ હોય, જે અન્વયે પોલીસ અધિક્ષક શ્રી નિર્લિપ્ત રાય સાહેબ, અમરેલી નાઓએ ભાવનગર રેન્જના જીલ્લાઓના નાસતાં-ફરતા આરોપીઓ તેમજ ગુન્હાના કામે પકડવાના બાકી આરોપીઓ તથા ફરાર કેદીઓ અંગે માહીતી મેળવી નાસતા-ફરતા આરોપીઓ વિરૂધ્ધ ધોરણસર કાર્યવાહી કરવા અમરેલી જીલ્લા પોલીસ તંત્રને જરૂરી સુચનાં અને માર્ગદર્શન આપેલ હોય, જે અન્વયે એસ.ઓ.જી. અમરેલીના ઇન્ચાર્જ પો.ઇન્સ. શ્રી કે.ડી.જાડેજા તથા પો.સબ ઈન્સ., મહેશ મોરી તથા એસ.ઓ.જી.ટીમે દામનગર પો.સ્ટે, વિસ્તારમાં પેટ્રોલીંગમાં હતા દરમિયાન દામનગર પો.સ્ટે., ફ.ગુ.ર.નં.-૨૪/૨૦૧૯, IPC કલમ-૩૬૫, ૩૮૪, ૩૪૨, ૩૨૩, ૧૧૪, ૧૨૦-બી, વિ. મુજબનાં હનીટ્રેપનાં ગુન્હાનાં કામે કાયદેસરની ઘરપકડ ટાળતા આરોપીને ચોક્કસ અને આઘારભુત બાતમી આઘારે દામનગર-ઢસા રોડ ભુરખીયા ચોકડી પાસેથી પકડી પાડેલ છે. ✨ ગુન્હાની હકિકતઃ- 💫 ગઇ તા.૦૬/૦૯/૨૦૧૯નાં રોજ આ કામે ભોગબનનારને તેણીએ કહેલ કે, આપણે મુલાકાત કરવી છે જે દરમિયાન માનપુર ગામે મળવા અંગેનું નક્કી કરેલ હતુ અને તેણીએ તેના સગાના મકાને મુલાકાત કરવાના બહાને લઇ જઇ ભોગબનનારનાં કપડા ઉતરાવી તેણીનાં મળતીયા તેના પતિ તરીકે આવી જઇ વીડીયો કલીપ ઉતારી ભોગબનનાર ઉપર બળાત્કારનો કેસ કરવાની તથા વીડીયો વાયરલ કરવાની ધમકી આપી આ પતાવટના રૂપિયા બે લાખ આપવા પડશે અને રકજકનાં અંતે રૂા.૪૦૦૦૦/-ની માંગણી કરી રૂા.૨૦૦૦/- ભોગબનનાર પાસેથી કઢાવી લઇ અપહરણ કરી લઇ જઇ પુર્ય આયોજીત કાવત્રુ રચી હનીટ્રેપ અંગેનો દામનગર પો.સ્ટે.,માં ફ.ગુ.ર.નં.-૨૪/૨૦૧૯, IPC કલમ-૩૬૫, ૩૮૪, ૩૪૨, ૩૨૩, ૧૧૪, ૧૨૦-બી, વિ. ગુન્હો રજી. થયેલ હતો. ✨ પકડાયેલ આરોપીઃ- મયુરભાઇ ઉર્ફે મુન્નાભાઇ કાનાભાઇ ભુવા ઉ.વ.-૨૧, ઘંઘો-ખેતી રહે.હડમતીયા, કાળુબાપુ હડમતીયાનાં આશ્રમથી ત્રીજી ગલી તરફ લીંબાભાઇની ઘરની બાજુમાં તા.ઉમરાળા જી.ભાવનગરવાળાને વધુ તપાસ અર્થે દામનગર પોલીસ સ્ટેશનમાં સોંપી આપેલ છે. આમ, અમરેલી પોલીસ અધિક્ષકશ્રી નિર્લિપ્ત રાય સાહેબ, નાઓની સુચનાં અને માર્ગદર્શન હેઠળ એસ.ઓ.જી. પો.ઇન્સ.શ્રી કે.ડી.જાડેજા તથા પો.સબ ઈન્સ.,મહેશ મોરી તથા એસ.ઓ.જી.ટીમને હનીટ્રેપનાં ગુન્હાનાં કામે આરોપીને પકડી પાડવામાં સફળતા મળેલ છે. (રિપોર્ટર:- નિલેશ માળવી)અમરેલી

ચોમાસાથી માંડી શિયાળા સુધી અસ્થિર હવામાનને કારણે ખેડૂતોના જીવ તાળવે ચોંટેલા રહ્યા હતા ત્યારે હવે નવા શિયાળુ પાકની આવકો દેખાવા લાગી છે. રાજકોટ યાર્ડમાં શિયાળુ પાકના ધાણાની આવક થઇ હતી. આવતા ઉનાળામાં ઘઉં-ચણા સહિતની અન્ય ચીજો દેખાવા લાગે તેમ છે. માર્કેટ યાર્ડમાં આજે નવા ધાણાની આવક હતી. કોટડાસાંગાણી પંથકના ખેડૂત રાજુભાઈ માદરીયા નવા ધાણાના વેચાણ માટે આવ્યા હતાં. મણના રૂા. 1851ના ભાવ પડ્યા હતા અને અંબાજી ટ્રેડીંગ કંપનીએ તેની ખરીદી કરી હતી. માર્કેટ યાર્ડ કમિશન એજન્ટ એસોસિએશનનાં પ્રમુખ અતુલ કામાણીએ કહ્યું કે વાતાવરણ સ્થિર થયું હોવાથી ખેડૂતોને રાહત થઇ છે. ઠંડી સારી પડતા ઘઉં સહિતની ચીજોને લાભ છે. ઘઉંનું ઉત્પાદનનો રેકોર્ડબ્રેક રહેવાનો અંદાજ મૂકવામાં આવી જ રહ્યો છે. હવે આવતા મહિનામાં ઘઉં, ચણા, જીરૂ, લસણ જેવા વધુ શિયાળુ પાક આવશે. ચોમાસુ પાકમાં મગફળી જેવી ચીજોનું રેકોર્ડબ્રેક ઉત્પાદન થયું હતું એટલે ખેડૂતોને રાહત છે.

  • 1 2 3 4 5 6 7 8 9
  • NEXT